Рок поп хөгжмийн ертөнцөд цахиур хагалсан “The Hu” хамтлагийн залуус аймшгийн кинонд тогложээ.Уг кино ирэх сард нээлтээ хийх аж. Тэд өнгөрсөн хоёрдугаар сард “Чонон сүлд” дуугаа АНУ-ын алдарт “Papa Roach” хамтлагийн дуучин Якоб Шаддикстай хамтран дуулсан. Тэгвэл уг дууны клипийг аймшгийн киноны зураг авалтын үеэр хийсэн байна.
Дашрамд, “Чонон сүлд” дуу Биллборд чатын есдүгээр сарын 19-ний өдрийн жагсаалтаар шилдэг дууны эхний тавдугаарт орсон аж. Энэхүү бүтээлийг 17 дахь долоо хоногтоо нийт хоёр сая 89 мянган хүн сонсчээ. Одоогоор “The Hu” хамтлагийнхан шинэ уран бүтээлдээ орсон бөгөөд хоёр ч дуугаа удахгүй олны хүртээл болгох юм байна.
