14-р хэсэг

Бадарч санаа алдан хэсэг бодлогоширон сууснаа. Бид хэд нүүх санаатай. Миний тарьсан хэрэг дэндүү том хэрэг болоод хашаагаа алдчихлаа. Аавынх нь л буруу хэсэг Бадараа ахынх нь хашаанд очдог юм билүү дээ. Энхриймаа аавыгаа өрөвдөх харц гүйлгэн:

-Цэцэгээ бид хэд бас нүүх гэж байгаа. 7 буудал хавьд хашаа байшинтай болсон та хэд тэнд очсон нь дээр биз дээ. Бадараа ахынх хотоос арай хол шүү дээ. Золоо яаж хичээл сургуульдаа явах вэ? тийм хол газараас...

- Яаж айлд дараа болох вэ? хэсэгхэн тэдний хаяанд л бууя ..

- Аав минь би намараас ажилдаа орно. Хүүхэд харах хүнгүй яах болж байна. бид хоёр чинь олон жаахан хүүхэдтэй хань бараа болоод Цэцэгээ маш их дуртай байгаа санаа зовох юу ч байхгүй.

- Нээрээ тийм шүү охиныг хэн харах билээ. Ээж нь гэж хүн байхад. Аав нь ч удахгүй ажил хийнэ . тэгвэл охиныхоо үгэнд оролгүй яахав. Сүрэн инээмсэглэн Цэцэгээ ч сайн охин шүү. Хөөрхий минь миний охинд ёстойл ус агаар мэт тус болсон шүү. ачийг нь хариулахсан гэж бодох юм.

 -Тийм шүү миний найз чинь мундаг хүн шүү дээ. одоо Зоригт минь ирчихвэл бид хэд эргээд халуун бүлээрээ цуглах нь байна шдээ.

- Хэлээд юүхэв . Хүү минь хэзээ ирж нэг бүтэн нойртой хонуулах юм бол доо. Хаалга онгойн Хоролоо эмгэн орж ирэв. За сайн байцгаана уу? нэг л танил хүн орж байгаа харагдаад хэрэгт дуртай хөгшин ороод ирлээ. Инээмсэглэн орон дээр суув. Сүрэн танимхайран::

-Та сайн байна уу? бие тэнхээ данги уу?

- Сайн хүүхээ сайн энэ намар харин овоо шүү. Энхрий минь хоол хийх гээд мах гаргаа юу ? одоо хөргөгчнөөс гаргасан мах хэзээ гэснэ гэж хүлээхэв. Би сая таван бууз гал дээр тавьчихлаа. Та нар ороод ир хүүхдүүд минь жаахан ярьж хөөрч сууя. Бид нар чинь нэг гэр бүлээс ялгаагүйл байцгаадаг юм. Энхриймаагийнхаа аав , ээжтэй танилцаяа хө.

-Яах нь вэ? төвөг удаад яахав. Бид хэд ингэс гээд хөдлөх гэж байна эгч минь

- Юун төвөг удхав. болсон идээнд гар хүр гэж хүүхдүүд минь ороод ирээрэй. Хоролоо хөгшин гараад явчихав. Энхриймаа , Хоролоо хөгшинг ажиглан харсан нь шаргал өнгөтэй торгон дээлээр гоёсон нь бүр гайхшруулав. Мөн гарандаа хэр бараг зүүдэггүй хоёр алтан бөгж , монгол дарханы аргаар хийсэн шигтгээтэй ээмэгээ бас зүүжээ. Сүрэн , Энхриймааруу харан:

-Хөгшин хүн гомдчих вий дээ. орцгоохуу яах уу?

-Тэгэлгүй яахав айлын хүн урьж байхад орцгоолгүй яахав Золоо хэнэггүй царай гарган:

-Саяны эмээ чинь яасан ганган болчихоо вэ? эмээгээ бүүр саначихлаа байна. Аав эмээ дээр хэзээ очих юм бэ?

-Удахгүй очно оо.архинаас гараад хүн болчихсон очиж муу ээжийнхээ сэтгэлийг харин ч нэг амраана даа. Ингэхэд саяны хөгшинг би хаана харлаа нэг л харсан царай ..... өө тийн эмнэлэг дээр юм байна шүү дээ. Энхриймаа инээмсэглэл тодруулан их сайн хүн байгаа юм аа. надад аягүй сайн бид нар нүүх гэсэнд цаанаа их гунигтай болчихсон хөөрхий ... ижил дасал болж дээ. Бид нар байшин сав аваагүй байсан бол эндээ байхад алзахгүй түшигтэй айл байгаа юм. Бадарч болоод гэрийнхэн Хоролоо эмгэнийд оров. Энхриймаа оронгуутлаа ёстойл хаана ороод ирэв гэлтэй гайхширав. Гэрээ цэмцийтэл нь цэвэрлээд төдийлөн гэртээ тавьдаггүй хээ угалзтай зузаан том ширээгээ тавьчихсан дээгүүр нь жимс, чихэр идээ засан айрагны ваарандаа айраг дүүргэчихсэн авдарныхаа ёроолд дардаг хэдэн давхар мөнгөн аягаа гаргачихсан цай аягалан хүмүүст барив. Ерөнхийдөө маш хүндтэй хүндээ хамаг эдийн дээд эдээ будаагаа барьдаг ёсоор Хоролоо хөгшин хандаж буй нь энэ байжаа. Үнэхээр ч сайхан ширээ засан угтчээ. Энхрий өмнө нь хэзээ ч хараагүй гоёмсог зүйлс чимхлүүрүүд ч байв. Хоролоо яриа өдөн ..

-Би та нартай нэг уулзаж танилцаяа гэж бодоод л байсан юм. Миний санахаар одоо нэг хүү байх ёстой билүү.

-Тиймээ манай хүү хөдөө ажилтай яваа даа.

-Аан тийм байж...

-Таны тухай их дуулсаан баярлалаа танд хоёр охиныг минь сайн харж хандаж байсанд намайг Сүрэн гэдэг миний хань Бадарч, охин Золоо, хүү маань Зоригт гэдэг дээ.

-Өө мөн мөн өө ашгүй хүү маань ч ирлээ. Хоролоо хөгшин үүд рүү хаалга онгойхыг сонсоод өндийн босов. Бумцэнд ус оруулж ирж байгаа бололтой үүдэнд тавиад гэртээ орж ирэн бас л гайхсан маягтай ээж рүүгээ хараад

-Та чинь ингэхэд яасан гоё болчихоов. Өнөөдөр чинь ямар өдөр билээ. Баяр ёслол болоо юу ...

-Зочид ирсэн миний хүү аавынхаа өрөөнд ороод хувцасаа солиод ир.

-Өө тийм үү ? хэн ирээв.

-Хэрэгт дуртай моньд шүү . алив хурдал аа.хувцасаа солиод гараад ир гэм... Бумаа зочидыг хэнийг нь ч танихгүй харин Энхриймааг дунд нь сууж байгааг хараад зог тусан нүдээрээ гайхширсан харцаар харав. Энхриймаа инээмсэглэхэд харц буруулан өрөөндөө орчихов. Хоролоо хөгшин бууз таваглан авчирч ширээн дээр тавиад

-Саяны энэ залуу миний хүү дээ хөгширсөн хойно оо эгч нь хоёр хүүхэд гаргасан хүн байгаа юм даа. За идэцгээ хүүхдүүд минь алив. Энхцэцэгийг наашаа өгчих миний охин хэдэн бууз идээд тухтай жаахан суугаад ав. Баянжаргал миний охин бас аягаа аваад бууз ид эмээ нь аягыг нь авчирахаа мартчихаж гал тогоонд байгаа даа .

-За эмээ би өөрөө аваад ирье ээ. Та өөрөө суу эмээ ...

-Би яах вэ? энэ хүү хайчив . Хоролоо хөгшинийд Баярцэцэг, Баянмөнх, Баянжаргал гурав тус тусдаа аягатай бөгөөд зөвхөн тэр гурав л хоол идэх болвол авдаг юмсанж. Хоролоо хөгшин Энхцэцэгийг тэврэн Бумаагийн өрөөнд оров. Бумаа гайхсан харцаар ...

-Ээж минь энэ чинь юу болж байдаг билээ.

-Юу болох гэж юу гэж байгаан зочид ирсэн байгааг харахгүй байна уу?

-Хэн билээ би танихгүй юм байна шдээ.

-Чамайг өглөө гарсаны дараа дүү чинь яарсан амьтан орж ирээд л хамаг юм онгичиж ширээ засаад гарсан хадамууд нь ирж байгаан байх аа.

-Тэгээд энэ хүмүүс чинь ....

-Энхриймаагийн аав , ээж нь л байна . Миний хүү гараад ир танилцаад ав. Өө тийн аавынхаа хөөргийг мартав эр хүн байна даа. За алив хурдал ... чамд өөр подволк байдаггүй юм уу? шинэ хувцаснаасаа өмс гэм ... ёстой нээрээ яая даа чамайг... цагаан дээлт Дамдин гэдэг шиг л байх юм. Хэзээ өмсөнө гэж хадгалдаг байна даа. .. Хоролоо , Бумааг шавдуулаад өрөөнөөс гарч ирэв. Үнэндээ Хоролоогийн охин нилээн биелэгжүү байрын айлд бэр болон очсон бөгөөд хадамууддаа аль сайханаар харагдахыг чухалчилдаг юмсанж.

15-р хэсэг

Бумаа хувцасаа солиод гараад ирэв. Тэрээр том мөнгөн аягаар айраг дүүргэн Бадарчид барин хоймортоо суугаад хөөрөгөө гарган тамхилав. Бадарч их л нухацтай Бумааг ажиглаж байгаа харагдав. Хоролоо ам нээн

-Энэ миний хүү Бумцэнд одоогоор миний хажууд л байгаа юм. Уул нь хөдөө уурхай ажилладаг юм. Бадарч инээмсэглэнгүй Бумаа руу харсан аа

-Хоёулаа хаана таарлаа. Аан эмнэлэгт юм байна шүү дээ.

-Тийм ээ одоо л таныг танилаа. Та тэр өдөр гэнэт алга болчихсон

-Тийм ээ тэр өдөр ямаршүү амьтан явж байсаныг харсан л байлгүй .... яаж та хэдийн нүүрийг харах вэ дээ. Бумаа үг дугарсангүй. Бадарчийн шудрага яриа болоод түүнийг их л нухацтай харж байгааг анзаарав. Гэрийнхэн хоол унд идэж жаахан саатаад явахаар болов. Энхриймаа охиноо тэврэн гэрийнхэн нь ч даган гарав. Бадарч хашааны хаалга руу алхах зуураа Энхриймаа руу харан

-Миний охион энэ хүү чинь хэн билээ. Арай Энхцэцэгийн...

-Үгүй дээ аав минь Хоролоо эгчийн хүү нь байгаа юм. Их сайн залуу ...

-Тийм байж зөөлхөн харцтай хүү байна.Миний охинд их сайн бололтой.. уул нь миний охин өөртөө сайн хүнтэй ...

-За аав минь бидний хооронд тийм юм байхгүй ээ. Би ч одоо тийм зүйл бодох ч зав алга намараас ажилдаа орохоо л бодож байна.

-Тийм байдаг байж харин энэ хөгшин бодож явдаг бололтойдог шүү... сайхан сэтгэлтэй эгэл жирийн сайхан айл байна.Хүү ч таалагдлаа за за миний охин өөрөө мэднэ байлгүй дээ... Сүрэн,Бадарчийн үгийг өлгөж аван , нуруу туруутай үг хэлтэй сүрхий хүү байна.Хоролоо хөгшин харин танайхыгнүүхэд жаахан дурамжхан байгаа бололтой. Энхцэцэгт минь сүрхий сайн юм аа.

-Тийм ээ. Энхцэцэгийг ёстойл хамт өсгөлцөж байгаа хөгшин байгаа юм. Цэцэгээ ч энэ жилдээ үлдэх талаар бодсонч байшин нь эзгүйрчихээд нүүхээр болсон. Та хэд минь түрүүлээд очиж байдаа. Золоо хашааны хаалгаар гаран Энхцэцэгийг үнсэн... - Дүүгий минь аав ингэхэд ямар хүн байна аа. ингэхэд ер нь ирдэг юм уу? аав нь байсаар байтал өөр хүнтэй суулгах гээд байхын аав , ээж хоёр ...

-Аав нь уу? аав нь ......... за дараа хэлье ээ. Баяртай би Цэцэгээтэй уулзаж ярилцаад та хэд рүү хэл өгнө өө нүүхдээ бэлдэж байгаарай... Сүрэн, Бадарч хоёр Золоог хэлхэд л нээрээ аав нь гэсэн бодол төрөвч Бадарч дотороо Бумааг , Энхцэцэгийн аав нь юм болов уу? гэсэн бодолоо нуулгүй хэлсэн нь энэ юмсанж. Энхриймаа гэртээ орон Баярцэцэг, Цэцэгээ хоёрт хоол хийхээр бэлтгэв. Хоролоо хөгшинийд хүмүүс ирэн хэсэг хөлд дарагдан удалгүй нам жим болон зочид явцгаав. Бумаагийн дүү охин уйлсан бололтой гэрт орж ирэн чимээгүй суух хэдий ч нулимс нь дуслана. Энхриймаа ёстой л их гайхсан харцаар харан

-Миний дүү ингэхэд зүгээр үү?

-Зүгээрээ эгчээ энд жаахан суучхаж болох уу? - Бололгүй яахав. Бумаагийн дүү мөн биз дээ.Цай уу миний дүү тайвшир.. Энхриймаагийн аягалсан цайг аван уруулдаа хүргэн нулимсаа барихгүй байгаа бололтой урд шэрээн дээр тавин өөр тийш харан суув. Энхриймаа гурил зууран элдэх зуур Энхцэцэг уйлагнав. Өнөөх бүсгүй нулимсаа арчин Энхцэцэгийн зүг харан хажууд нь ойртон та ажлаа хий дээ би харж байя хэдэн сартай билээ.

-3 сар гарантай ...

-Өө тийм үү? би 2 охинтой ..

- Тийм үү? залуухан ээж байх нь ээ..

-Тийм ээ. Их эрт хүүхэд гаргасан шүү. - Ингэхэд охидууд чинь ....

-Хадамуудтай харьчихсан ...өвөө ,эмээгийн л хүүхдүүд шүү дээ. Энхцэцэгийг тэврэн суух бүсгүй сая л нэг инээмсэглэн Энхриймааруу харан:

-Уучлаарай та намайг гайхсан байх даа. Ээждээ жаахан загнуулаад би чинь их эрх өсчихсөн аав минь үргэлж өмөөрдөгсөн хөөрхий минь даанч ачлалгүй муу охин доо би ... Дахин нулимс нь цийлэгнэв.

-Зүгээр дээ. ээждээ загнуулахгүй хүн гэж хаа байхав. Чиний төлөөл хэлж байгаа байлгүй дээ.

-Тийм ээ гэр бүлийн үл ойлголцол байдаг юм аа. нарийн ширийн юм байлгүй яахав.Та ингэхэд ганц бие үү аль эсвэл ...

-Үгүй ээ тэрийг мэдэж яах......

-Аан дэмий юм асуучихаж манай ээж, ах хоёр л хаая таныг их ярьдаг юм.

-Өө магтаж өгнө. За за би ч гэртээ орьё доо. муу аав минь байсан бол хадамууддаа ингэж дээрлэхүүлдэггүй л байх. Та ч гэсэн эмэгтэй хүн намайг уучлаарай. Бачимдаад айлд орж ирээд уйлчихлаа. Ээж энэ хүнтэй суулгахгүй гэж их эсэргүүцдэг байлаа. Одоо чи харж байна уу? би хэлсэн биз гэх юм. Яамаар ч юм бэ? мэдэхгүй... магадгүй салах л юм шиг байна даа.. за уучлаарай эгчээ.... Энхцэцэгийг орон дээр зөөлхөн тавиад нулимсаа нэг сайн арчаад гарч одов. Энхриймаа бүсгүйг өрөвдөх хэдий ч юу ч хэлж чадсангүй. Харин Хоролоо хөгшин нилээн удсаны дараа орж ирэв ....

-За та хоёр минь юу хийж байна. Баянаа унтчихлаа хөөрхий их ядарсан бололтой.

-Аан бид хоёр хоол хийх санаатай. Манай хоёр удахгүй ирнэ байх...

-Өө нээрээ тийм ирэх цаг нь дөхөж... ингэхэд Бумаа орж ирээгүй биз ...

-Үгүй ээ түрүүн машин нь асч байгаа л сонсогдсон ...

-Аан тийм үү? дүүгээ хүргэж өгөх гээд явжил дээ. насны залууд санаа зовох юмгүй сайхан л амьдарсан юмсан. Насны бөгсөнд шаналаж байгаад явах юм шиг ээ. Өөдгүй хог хамаг даралт хөдлөгчихөөд яваад өгөх юм... ээ мөн хүний шунал барагдахгүй юм даа.

-Та наанаа жаахан хажуулах уу? нээрээ царай чинь бүр барайчихсан байна. би Бумаа руу залгаад дуудчихяа...

-Үгүй чиш яах юм бэ? харин жаахан хажуулаад орхьё ... Энэ муу охиндоо их л хайртай юмсан хайр даахгүй ёстой хэлэх ч үг олдохгүй юм. ... Хоролоо хөгшин амандаа үгээ бувтнан өөртэйгөө яриад байх шиг Энхриймаа хөгшиний даралт улам хөдлөхөөс эмээн юу ч дугарсангүй. Харин хөгшин баруун орон дээр унтаад өгчхөв. Энхриймаа, Баянжаргалыг тэврэн оруулж ирээд мөн хэвтүүлэв. Орой болох үед Цэцэгээ, Бумаа, Баярцэцэг гурав орж ирэв. Энхриймаа чимээгүй байхыг долоовор хуруугаараа уруулаа дарж мэдэгдэв. Бумаа ээжийгээ их л өрөвдсөн харцаар ширтсэнээ гэрлүүгээ оров. Энхриймаа хоол аягалан

-Хорлоо эгч хөөрхий ядарсан бололтой. Даралт нь хөдлөөд байх шиг байсан эм ээ уучихаад хэсэг байж байгаад унтчихсан байна.

-Өө тийм үү? Энэ юу вэ? манайд зочин ирээ юу? бөөн чихэр боов байх чинь...

-Аан аав, ээж , Золоо гурав ирээд ..

-Өө тийм үү? аав нь сайн уу? нөгөө эмчилгээ гээд байсан...

-Аан харин тийм ээ. Царай зүс ороод танигдахын аргагүй болсон байна лээ.

-За тэгээд хэзээ нүүнэ гэнэ . ярьсан уу?

-Харин чамаас асуух гээд л ..........

-Надаас асуух юу байна аа. хэзээ л бол хэзээ.... эхлээд очоод суурьшаад аваг хэдүүлээ дараа нь л нүүчихье.

-Чамдаа их дараа болж байна даа. Баярлалаа найз минь...

-Чи одоо хүний хүн шиг яагаад байгаа юм. Алив Энхцэцэг минь яаж байна. одоо бүр санаад байх болжээ моньдыг ... хүүе миний охин бас унтчихсан юм уу? хөөлхий минь үр минь ... Цэцэгээ охидуудаа үнсэн хоолоо идэнгээ санаа алдангуй өнөөдөр Баатараа орж ирсэн ...

-Өө тийм үү? хаагуур явж байгаад ирэв гэнэ.

-Би асуугаагүй ээ. Чамд охинд авсан бэлэгийг нь ч мартаж орхиж харин нөгөө ...

-Юу харин гэж яасан юм. Юу хэлэх гээд л ... - Таагүй юм болжээ. Төрөөгийн ээж бурхан болчихож гэнэ.

-Юу ....

-Төрөөд л санаа зовсон хүн явна лээ. Аргагүй байлгүй дээ. Цор ганцаараа үлдэж байгаа хөөрхий бодохоор сэтгэл жаахан тавгүйтээд ямарч байсан чи нэг ярьсан нь дээр байхаа... Нөгөөдөр бид хэд гэрт нь очно ярилаа.. Энхриймаа юу ч дугарсангүй харин яагаад ч юм нулимс нь гарч байв. Яагаад нулимс нь дуслаж байгааг өөрөө ч мэдэхгүй байлаа...

Хард Билгүүн

Үргэлжлэл бий

Өмнө нь:

Зүрх сэтгэл-II /1-р хэсэг/ https://www.24tsag.mn/a/184060

Зүрх сэтгэл-II /2-р хэсэг/ https://www.24tsag.mn/a/184071

Зүрх сэтгэл-II /3-р хэсэг/ https://www.24tsag.mn/a/184097

Зүрх сэтгэл-II /4-р хэсэг/ https://www.24tsag.mn/a/184146

Зүрх сэтгэл-II /5-р хэсэг/ https://www.24tsag.mn/a/184164

Зүрх сэтгэл-II /6-р хэсэг/ https://www.24tsag.mn/a/184203