Банк бус санхүүгийн салбарын тэргүүлэгч компани болох “Инвескор ББСБ” ХК нь Монголын хөрөнгийн биржид шинээр бүртгэгдэн, нээлттэй хувьцаат компани болж буйтай холбогдуулан олон нийтэд зориулсан үнэт цаасны танилцуулга арга хэмжээ өнөөдөр Шангри-Ла зочид буудалд амжилттай зохион байгуулагдлаа.
Тус арга хэмжээнд нийт 500 гаруй зочид, төлөөлөгчид, гадаад дотоодын хөрөнгө оруулагчид оролцож, компанийн цаашдын стратеги төлөвлөгөө, бизнесийн үйл ажиллагаа, нийтэд санал болгож буй үнэт цаасны талаар мэдээлэл авч, улмаар үнэт цаас гаргагч, аудит, үнэлгээ болон хуулийн зөвлөх, андеррайтераар ажилласан байгууллагуудаас сонирхсон асуултууддаа хариулт авлаа.
Хөрөнгө оруулагчид “Инвескор ББСБ” ХК-ийн өнгөрсөн хугацаанд бий болгосон амжилт, цаашдын стратеги, бизнес төлөвлөгөөнд итгэл хүлээлгэн, хөрөнгө оруулах сонирхлоо илэрхийлээд байна.
Энэхүү IPO нь Монголын хөрөнгийн биржийн түүхэн дэх хувийн хэвшлийн хамгийн том IPO болж буйгаараа онцлог бөгөөд тус компанийн андеррайтераар “Ти Ди Би Капитал ҮЦК” ХХК, туслах андеррайтераар “Инвескор Капитал ҮЦК” ХХК ажиллаж байна.
Хувьцааны анхдагч зах зээлийн арилжаа 2019 оны 5 дугаар сарын 22-ноос 30-ны өдрийн хооронд зохион байгуулагдах бөгөөд хөрөнгө оруулагч та брокер, дилерийн компаниудаар дамжуулан арилжаанд оролцох бүрэн боломжтой юм.
Хэрэв Та “ИНВЕСКОР ББСБ” ХК-ийн хөрөнгө оруулагч болохыг хүсвэл дараах зааврын дагуу анхдагч зах зээлийн арилжаанд оролцоно уу.
1. Үнэт цаасны данс нээлгэх
Монголын хөрөнгийн биржид бүртгэлтэй үнэт цаасны компаниудаас сонгон, үнэт цаасны дансаа нээлгэнэ.
2. Мөнгө байршуулах
Өөрийн үнэт цаасны дансанд хувьцаа худалдан авах мөнгөн хөрөнгийг дараах зааврын дагуу байршуулна.
| Хүлээн авах банк |
Арилжааны төлбөр тооцооны төв |
| Дансны нэр |
Таны нэр /Овог бичихгүй/ |
| Дансны дугаар |
12 оронтой данс /Брокероос авах/ |
| Гүйлгээний дүн |
Хувьцааны үнэ + Арилжааны шимтгэл |
| Гүйлгээний утга |
Овог нэр, регистрийн дугаар |
3. Захиалга өгөх
ТиДиБи Капитал ҮЦК эсвэл өөрийн сонгон үйлчлүүлж буй үнэт цаасны компанидаа хандан, тухайн үнэт цаасны компанийн хүлээн зөвшөөрсөн дараах хэлбэрүүдээр арилжаанд оролцох захиалгаа өгөх боломжтой.
- Өөрийн биеэр үнэт цаасны компанид хандан захиалга өгөх
- Утсаар захиалга өгөх
- Онлайн үйлчилгээгээр зайнаас захиалга өгөх
4. Хувьцаа эзэмшигч болох
Санхүүгийн зохицуулах хорооноос анхдагч зах зээлийн арилжааг амжилттай болсонд тооцож, хоёрдогч зах зээлийн арилжааг эхлүүлэх шийдвэрийг гаргаснаар таны үнэт цаасны дансанд хувьцаа байршина.
Захиалга авах цэгүүд:
- Ти Ди Би Капитал ҮЦК төв оффис
/Худалдаа хөгжлийн банкны төв байр 3 давхар/ 09:00-17:00
- Мэдээлэл авах цэг
/Шангри-Ла Молл худалдааны төв 2 давхар/ 10:00-19:00
Дэлгэрэнгүй мэдээллийг:
Утас: 7010-0261, 7010-0263
Вэб: http://www.tdbcapital.mn/page/ipo
