Дэлхийн кино урлагийн шилдгүүдийг тодруулах “Оскар-2019” шагнал гардуулах ёслол ирэх сарын 25-нд Лос Анжелес хотын "Долби" театрт болно.
Тус ёслолыг жил бүр алдартай одуудыг сонгож хөтлүүлдэг уламжлалтай билээ. Харин Америкийн кино академиас “Оскар-2019” шагнал гардуулах ёслолыг хөтлөгчгүйгээр зохион байгуулахаа мэдэгдлээ.
Тодруулбал, “Оскар-2019” шагнал гардуулах ёслолын хөтлөгч болох саналыг авсан хошин шогч, хөтлөгч, жүжигчин Кевин Харт нь хөтлөхөөс татгалзсанаа мэдэгдсэн байна. Учир нь түүний “ЛГБТ+” нийгэмлэгийн эсрэг хэлсэн бүдүүлэг шүүмжлэлт үгс олны шүүмжлэл хүртээд байгаа бөгөөд өөрийн хэлсэн зүйлийнхээ өмнөөс уучлалт хүсэн уг шийдвэрийг гаргажээ.
Л.Сайнаа
