Хятадын өөрчлөлт, нээлтийн 40 жилийн ойн өдөр энэ сарын 18-нд тохиосон. Уг өдрийг тохиолдуулан олон арван үйл ажиллагаа зохион байгуулагдсан юм. Тэгвэл мөн өөрчлөлт, нээлтийн 40 жилд зориулсан “Өөрчлөлт нээлтийн 40 жил” дурсгалын маркийг Хятадын Шуудангийн газар гаргасан байна. 
Энэхүү марк нь багцандаа хоёр ширхэг бөгөөд мөн нэг ил захидлаас бүрдэх гэнэ. Түүнчлэн маркийг зургаар нь “Өндөрт өргөсөн төрийн далбаа”, “Аугаа туршлага” хэмээн нэрийджээ. Харин ил захидлыг “Хүсэл мөрөөдлийн шинэ эринг бүтээхийн төлөө” хэмээн нэрлэсэн байна. Тус марк ил захидлын хамт 8.40 юаниар борлуулагдаж байгаа аж.

Л.Сайнаа