Ерөнхийлөгчид нэр дэвшүүлэх ажиллагаа 5 сарын 2-ноос эхэлнэ

2017-4-26

Ерөнхийлөгчид нэр дэвшүүлэх ажиллагааг санал авах өдрөөс 55 хоногийн өмнө буюу 2017 оны 5 сарын 2-ноос эхлүүлж 5 хоногийн хугацаанд дуусгана.

Энэ хугацаа дууссан өдрөөс хойш 5 хоногт /2017-5-11-ний дотор/ багтаан нэр дэвшигчдийн баримт бичгийг сонгуулийн төв байгууллагад ирүүлнэ.

Сонгуулийн төв байгууллага нэр дэвшигчийн талаарх баримт бичгийг хүлээн авснаас хойш 3 хоногийн дотор буюу 2017-5-14-ний дотор бүртгэх эсэх асуудлыг шийдвэрлэж тогтоол гаргах юм.

Сонгуулийн төв байгууллага нэр дэвшигчийг бүртгэсэн тухай шийдвэр гарснаас хойш ажлын 3 өдрийн дотор /2017-5-17-ний дотор/ нийт нэр дэвшигчийг улсын хэмжээнд нийтэд мэдээлэх аж.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

Ах (202.179.24.8)

Ерөнхийлөгч гэдэг бол ёс суртахууны маш өндөр хэмжүүртэй, хувийн атгаг сонирхолгүй, гагцхүү улс эх орноо боддог, худлаа уран гоё ярьдаггүй, хулгай луйврыг тас цохиж чаддаг, Н.Энхбаяр шиг төрийн механизмаа эвдэж сүйтгэдэггүй, Элбэгдорж шиг хуйвалдаж хор найруулдаггүй - тийм л хүн байх ёстой!!! Эдүгээ нэр нь гараад байгаа нөхдүүд дотроос арай дөмөг нь гэвэл Лу.Болд л байна даа!!! Үүнд суурь хүмүүжил, ёс суртахуун, мэдлэг боловсрол, чин шударга байх чадвар зэрэг үзүүлэлтийг харгалзаж байгаа юм. Түүний нэг дутагдал нь илтгэх ур чадвар нь жаахан тиймхэн, Элбэгдорж шиг уран донгодож чадахгүй боловч худлаа л лав ярихгүй хүн. Зан араншингийн хувьд жаахан зөөлдөж магадгүй, гэхдээ зарчмаас ухрахгүй л дээ. Улсын Бага Хуралд байхаас нь эхлээд мэдэх хүний хувьд ийм үнэлгээ өгч байгаа юм. Хүмүүс түүнийг банкны асуудлаар шүүмжилдэг байсан, тэр нь гүтгэлэг болох нь тухайн үедээ тогтоогдоод өнгөрсөн.

2017 оны 04 сарын 26 | Хариулах