Өнгөрсөн амралтын өдөр АНУ-ын зүүн өмнөд хэсэгт орсон аадар борооны улмаас зам, байшин усанд автаж, 10 хүн нас баржээ.
Кентакки мужийн амбан захирагч Энди Бешиар гамшгийн зарлан мэдээллийн дараа тус мужид есөн хүн нас барсан гэж мэдэгдэв. Үерийн усанд боогдсон 1000 орчим хүнийг аврах шаардлагатай гэж тэрбээр ням гарагт мөн мэдэгджээ. Ойролцоох бүс нутгуудад хуурай, сэрүүн нөхцөл байдал үүсэж, цас мөс тогтох эрсдэлтэй байгаа аж.
Амралтын өдрүүдээр амиа алдсан өөр нэг тохиолдол нь Жоржиа мужид гэртээ унтаж байсан эрэгтэй хашаан доторх модондоо даруулан нас баржээ.
Кентакки, Жоржиа, Алабама, Миссисипи, Теннесси, Виржиниа, Баруун Виржиниа, Хойд Каролина мужуудад өнгөрсөн амралтын өдрүүдэд шуургатай холбоотой сэрэмжлүүлэг гарчээ. Эдгээр мужууд есдүгээр сард Хелене хар салхины улмаас гамшгийн хохирол амссан.
"Poweroutage.us" хяналтын сайтын мэдээлснээр, Даваа гаргийн эхээр хэдэн зуун мянган өрх цахилгаангүй болсон байна. Кентакки мужийн зарим хэсэгт 15 см хур тунадас орсон гэж тус улсын Үндэсний цаг уурын албаныхан мэдээлэв. Ширүүн бороо орсны улмаас голын усны түвшин огцом нэмэгдэж, машинууд усанд боогдон олон зуун зам хаагдсан.
Л.Баяр
