Оскарын шагналт найруулагч Сэм Мендес "Битлз" -ийн түүхийг гишүүн бүрийн нүдээр харуулсан дөрвөн тусдаа намтар киног найруулах гэж байгаа билээ. Тэгвэл хамтлагийн гишүүдэд тоглох жүжигчдийг сонгон шалгаруулжээ.

Sony Pictures Entertainment"-аас мягмар гарагт олон нийтийн сүлжээнд цацсан мэдэгдэлд “The Beatles - A Four-Film Cinematic Event" кинонд Жон Ленноны дүрд Пол Мескал, Пол Маккартнигийн дүрд Пол Мескал, Ринго Старрын дүрд Барри Кеогхан, Жорж Харрисоны дүрд Жозеф Куинн тоглоно гэжээ.

Дикинсон 2024 онд "Babygirl" кинонд тоглосноороо алдартай бол Мескал саяхан "Гладиатор II" киноны гол дүрийг бүтээсэн юм.

Кеогхан 2022 онд гарсан "The Banshees of Inisherin" кинонд тоглосон бол Куинн "Stranger Things" цувралд тоглосон туршлагатай.

Оскарын шагналт найруулагч Мендес даваа гарагт Лас Вегаст болсон "CinemaCon" салбарын арга хэмжээний үеэр уг төслийн талаар ярилцжээ. Энэ үеэр тэр "The Beatles" бүх цаг үеийн хамгийн алдартай хамтлагуудын нэг хэдий ч "Одоог хүртэл судлах зүйл зөндөө байна" гэсэн байна.

Л.Баяр