Олон улсын эрүүгийн шүүх Израилын Ерөнхий сайд Биньямин Нетаньяхуг Газын зурваст дайны гэмт хэрэг үйлдсэн байж болзошгүй гэх үндэслэлээр баривчлах захирамжийг арваннэгдүгээр сард гаргасан байдаг. Тэр цагаас хойш Нетаньяху тус шүүхийн харъяалалтай улс оронд очоогүй юм. Тэгвэл тэр лхагва гарагт Будапештэд дөрвөн өдрийн айлчлал хийхээр газарджээ. 

Унгарын Батлан ​​хамгаалахын сайд Кристоф Шалай-Бобровнички нисэх онгоцны буудал дээр түүнтэй уулзаж байгаа гэрэл зургуудын хамтаар "Израилын Ерөнхий сайд Бенжамин Нетаньяху Будапешт хотод тавтай морил!" хэмээн фэйсбүүк хуудсандаа ийн бичжээ.

Унгарын нийслэл бол Израилын удирдагчийн хувьд аюулгүй газар бөгөөд түүний олон улс дахь хамгийн том найзуудын нэг нь унгарын удирдагч Виктор Орбаны билээ.

Унгарын Ерөнхий сайд ОУЭШ-ийн мэдэгдлийг буруушаасан. Хэрэв Унгар улс ОУЭШ-ийн шийдвэрийг биелүүлж түүнийг баривчилж чадахгүй бол 2002 онд баталсан дүрмийн дагуу хүлээсэн үүргээ зөрчих болно.

Гэвч Нетаньяху Будапештийн Ференц Лист нисэх онгоцны буудалд газардахдаа цагдаа нар түүнийг угтаж магадгүй гэж санаа зовохгүй байгаа нь тодорхой харагдсан. Тэгэхээр Унгар улс олон улсад хүлээсэн үүргээ биелүүлэхгүй байхаар шийдсэн аж.

Л.Баяр