NBA-ээс Мемфис Гриззлис багийн од хамгаалагч Жа Морантын гараараа буудаж байгаа дохио зангаа үзүүлсэн үйлдлийг шалгаж байна гэж ESPN лхагва гарагт мэдээлэв.
Мягмар гарагт тэдний баг Голден Стэйт Уарриорсын эсрэг тоглосон бөгөөд тоглолтын үеэр Морант зүүн гараараа бууны дохио зангаа хийж, эсрэг багийнхнаа дооглож байв.
Тоглолт дуусахад цөөхөн секунд үлдсэн үед Уарриорсоос Жимми Батлер торгуулийн шидэлт хийж багийнхаа тэргүүллийг 132-125 болгов. Мемфис завсарлага авсны дараа хоёр багийн тоглогчид сэлгээний сандал руу явах үед Морант уг үйлдлийг гаргасан. Энэхүү үйлдэл нь Уарриорсын довтлогч Дрэймонд Гринд таалагдаагүй учир албаны хүмүүст хандсан гэх мэдээлэл байна.
25 настай Морант өмнө нь хоёр ч удаа галт зэвсгийн асуудалд орооцолдож байв.
2023 оны гуравдугаар сард тэр "Instagram Live" видео бичлэг дээр галт зэвсэг харуулсан хэргээр найман тоглолт цалингүй тоглосон. Мөн Морантын галт зэвсэг барин зургаа авахуулж буй бичлэг цахим ертөнцөөр тархсанаар NBA мөрдөн байцаалтын ажиллагаа явуулж, улмаар 2023-24 оны улирлын эхний 25 тоглолтыг өнжсөн байдаг.
Л.Баяр
