Израилын Батлан ​​хамгаалахын сайд Израиль Кац лхагва гарагт Газын зурваст цэргийн ажиллагаа явуулж, "Израилын аюулгүйн бүсэд оруулах" газар нутгийг булаан авах томоохон үйл ажиллагаа явуулна гэж мэдэгдэв.

Кац хэлэхдээ, уг ажиллагаааны хүрээнд "Газын хүн амыг байлдааны бүсээс нүүлгэн шилжүүлэх болно" гэж хэлээд нарийн ширийн зүйлсийг дурдаагүй байна.

Уг цэргийн ажиллагаа нь "Террористууд болон терроризмын дэд бүтцийг устгаж, цэвэрлэхийн зэрэгцээ Израилын аюулгүйн бүсэд багтах томоохон бүс нутгийг эзлэн авах" зорилготой гэнэ.

Израилын армийн хэвлэлийн төлөөлөгч мягмар гаргийн орой Газын өмнөд хэсэгт орших Рафах бүсийн оршин суугчдад гэр орноо орхин хойд зүг рүү нүүхийг уриалжээ. Мэдэгдлүүдтэй зэрэгцэн Изриалын арми Газын зурвасыг агаараас бөмбөгдсөөр буй. Жил гаруйн хугацаанд үргэлжилж уг мөргөлдөөний уршгаар Газад 50 мянга гаруй хүн амь үрэгдээд байна.

Изриалын мэдэгдэлтэй зэрэгцэн Египет, Катар хоёр улс Израил, Хамас хоорондын гал зогсоох хэлэлцээрийг сэргээх хүчин чармайлтаа эрчимжүүлж буй. Ням гарагт зэвсэгт бүлэглэл Египетийн шинэ саналыг хүлээн зөвшөөрч, Даваа гарагт Израил саналыг нь хүлээн авахгүй гэж мэдэгдсэн.

Л.Баяр