“Өгөөмөр” захын уулзвараас Чулуун овооны тойрог хүртэлх авто замын урд эгнээг 7-ны өдрөөс хааж шинэчилж байна. Уг замыг маргааш буюу 9-ний өдрийн 06:00 цагт нээх юм. Ингэхдээ зүүнээс баруун чиглэлийн хойд хэсгийн эгнээгээр тээврийн хэрэгслийн хөдөлгөөнийг сөрүүлэн зохицуулна.

Мөн Баянзүрх дүүрэг, 17, 24 дүгээр хорооны нутаг дэвсгэрт Эрдэнэтолгойн уулзвараас Газарчин сургуулийн уулзвар хүртэл авто замыг хааж, хэсэгчилсэн засвар шинэчлэлт хийнэ. Уг замыг 9-ний 06:00 цагт нээнэ.

Чулуун овооны тойргоос “Оргил” худалдааны төв хүртэлх авто замыг хэсэгчлэн, шинэчилнэ. Уг ажлын нэгдүгээр хэсгийг 6-наас  8-ны 23:00 цаг хүртэл хааж, шинэчилнэ. Харин хоёрдугаар хэсгийг өнөөдөр аравдугаар сарын 8-ны 23:00 цагаас 10-ны өдрийн 06:00 цагийн хооронд хааж, шинэчилнэ.

Иймд иргэд, жолооч та бүхэн бусад замыг сонгон хөдөлгөөнд оролцоно уу гэж НЗДТГ-аас мэдээлэв.