Угаалгын машин ашиглаж хувцсаа угаах нь сунгахгүй, агшаахгүй, өнгө зүсийг нь алдагдуулахгүй байхад хамгийн их нөлөөтэй. Тиймдээ ч хувцасны материал, өнгө зэргээс шалтгаалан угаалгын горим нь өөр, өөр байдаг. Ихэнх тохиолдолд автоматаар тохируулан угааж болох сонголтууд байдаг ч зарим онцгой материалтай хувцсаа угаахдаа хэрхэн тохируулах талаар зөвлөгөөг танд хүргэж байна.
Жишээ: Торгон материалтай хувцас хэрэглэл угаахдаа:
Торго бол хамгийн дээд зэрэглэлийн материалуудын нэг юм. Энэхүү материалыг угаахын өмнө хэрхэн угааж болох талаар заавар зөвлөгөөг сайтар уншсан байх хэрэгтэй. Угаалгын машинд угаахдаа гараар угаах горимыг ашиглах, мөн усны температурыг сайтар тааруулж өгөх хэрэгтэй юм шүү.
Ноос, ноолууран хувцас хэрэглэл угаахдаа:
Өмнө нь ноосон хувцсыг бид зөвхөн гараар угаадаг байсан бол одоо үед ихэнх автомат угаалгын машинууд ноосон хувцас угаах горимтой болсон байдаг. Хамгийн гол нь ноосон хувцас угаахдаа өөр хувцастай хольж угааж огтхон ч болохгүй.
Ачаалал нь 8 фунт-с бага байх ёстой. Мөн заавал хүйтэн усаар угаах ба мушгих, хатаахдаа халуун газар ойр тавьж болохгүйг сайтар анхаараарай. Нэмж хэлэхэд ноос ноолуур угааж болон зориулалтын угаалгын нунтаг хэрэглэх нь үр дүнтэй байдаг.
Доорх хүснэгтээр онцгой материалтай хувцсаа угаахдаа тохируулах горим:
| № |
Горим |
Температур |
Тохирсон материап |
| 1 |
Гар угаалга |
30°C хүртэл |
Хөвөн, даавуу |
| 2 |
Ноос, ноолуур |
30°C хүртэл |
Ноос, ноолуур |
| 3 |
Силк (торго) |
30°C хүртэл |
Силк (торго) |
| 4 |
Зөөлөн угаалга |
30°C хүртэл |
Хөвөн, даавуу |
| 5 |
Синтетика |
40°C хүртэл |
Синтетика |
| 6 |
Хөвөн |
40°C хүртэл |
Хөвөн, даавуу |
| 7 |
Спорт |
40°C хүртэл |
Спорт хувцас |
| 8 |
Экспресс угаалга |
40°C хүртэл |
Хөвөн, синтетика |
| 9 |
Хүүхдийн хувцасны угаалга |
40°C хүртэл |
Хүүхдийн хувцас |
