Дундговь аймгийн замд зам тээврийн ноцтой осол гарч, гэмтэж, бэртсэн хүмүүсийг Төв аймгийн Нэгдсэн эмнэлэгт хүргэсэн байна. Автобус 38 хүнтэй явж байсан бөгөөд 18 хүн ослын улмаас хүнд бэртсэн тухай бид мэдээлсэн. 

Ослын шалтгаан нөхцлийг тодруулахаар Тээврийн цагдаагийн албаныхан ажиллаж байгаа аж. Цахим хуудаст бичсэн мэдээлд Өмнөговь аймгаас Улаанбаатар хот руу зорчиж явсан 38 зорчигчтой автобус ачааны автомашинтай мөргөлдсөн ноцтой осол гарсан. Осол Дундговь аймгийн замд өнөөдөр 09.00 цагийн үед гарсан байна. Бэртэж гэмтсэн хүмүүсийг Төв аймгийн yэгдсэн эмнэлэгт өнөөдөр 10.00 цагийн орчимд хүргэжээ. Эмнэлэгт хүргэгдсэн хүмүүсээс таван хүний биеийн байдал маш хүнд, 18 хүн хүнд байгааг эх сурвалжууд мэдээлж байна. Таван хүн нь хавсарсан бэртэлтэй бол 18 хүний гар, хөл, нуруу хугарсан байна.

Ослын улмаас автобусны хоёр жолооч газар дээрээ нас баржээ. Харин Ачааны машины жолоочийн бие маш хүнд байна. Ослоос маш хүнд болон хүнд бэртэл авсан 37 хүн яг одоо ГССҮТ-д хүргэгдэн ирж, эмчилгээ авч эхэлж байна.

Л.Сайнаа