Монголбанкны Мөнгөний бодлогын зөвлөл 2014 оны 2 дугаар сарын 7-11-ний өдрүүдэд хуралдаж, макро эдийн засгийн болон санхүүгийн тогтвортой байдлын зорилтыг хангах хүрээнд хоёр шийдвэр гаргажээ.

Нэгдүгээрт Монгол банкны бодлогын хүүг 10.5 хувьд хэвээр үлдээхээр болсон байна. Хоёрдугаарт Олон улсын зах зээл дээрээс 3 болон түүнээс дээш хугацаатай бонд болон зээл хэлбэрээр банкны татсан гадаад валютын эх үүсвэрийг Заавал байлгах нөөцийн шаардлагаас чөлөөлөхөөр болжээ.

Энэ шийдвэр нь цаашид эдийн засгийн нөхцөл байдлыг сайжруулахад чухал нөлөөтэй гэж үзсэн байна.