Нэгдүгээр сарын нийгэм, эдийн засгийн статистик судалгаагаар ажилгүй иргэдийн дунд эзлэх эмэгтэйчүүдийн хувь хэмжээ нэмэгджээ. Өнөөдөр 18 мянган ажилгүй эмэгтэй байгаа нь нийт ажилгүй иргэдийн 54.1 хувийг эзлэж байна. Энэ нь 2013 оны нэгдүгээр сарын судалгаатай харьцуулахад 2.4 пунктээр өссөн үзүүлэлт гэнэ.

Хөдөлмөр эрхлэлтийн байгууллагад бүртгүүлсэн ажил хайгч иргэдийн тоо 42.5 мянга болжээ. Үүнээс 33.2 мянга нь ажилгү иргэн байна. Нэг жилийн өмнөхтэй харьцуулахад ажилгүй иргэдийн тоо дөрвөн мянгаар, өмнөх сартай харьцуулахад 9.5 мянгаар буурсан байна. Хувьд шилжүүлж тооцвол өмнөх оны мөн үеэс 10.7 хувь, өмнөх сараас 22.3 хувиар буурсан ажээ.