Төрийн өмчийн хорооноос Монголын хөрөнгийн биржийн гүйцэтгэх захирлыг сонгох шалгаруулахаар зарлажээ. Сонгон шалгаруулалтад оролцохыг хүсэгчдийн материалыг өнөөдөр 17 цаг хүртэл Төрийн өмчийн хороон дээр хүлээж авах гэнэ.

Нэр дэвшигчдэд хөрөнгийн биржийн үндсэн үйл ажиллагааны чиглэлээр болон санхүү, эдийн засаг, бизнесийн удирдлага, магистраас доошгүй зэрэгтэй байх; Мэргэжлээрээ 8-аас доошгүй жил ажилласан, үүнээс 4-өөс доошгүй жил нь хөрөнгийн зах зээлд мэргэжлийн үйл ажиллагаа эрхэлдэг хуулийн этгээдэд эрх бүхий албан тушаал хашсан байх зэрэг найман шалгуур тавьжээ.

Одоогоор МХБ-ийн гүйцэтгэх захирлын үүргийг Төрийн өмчийн хорооны Төрийн удирдлагын газрын дарга Д.Болормаа түр орлон гүйцэтгэж байгаа юм.