Уул уурхайн салбарт ажиллаж байгаа ашиглалтын тусгай зөвшөөрөл эзэмшигч компаниуд өнгөрсөн онд 1 их наяд 12.2 тэрбум төгрөгийн татвар төлсөн байна. Үүнээс Аж ахуйн нэгжийн орлогын албан татвар /ААНОАТ/-т 297.5 тэрбум, Ашигт малтмалын нөөц ашигласны төлбөр /АМНАТ/-т 265.9 тэрбум төгрөгийг төлсөн дүн гарчээ.

Арванхоёрдугаар сард татвар төлөлт огцом өсчээ. Нийт 154.9 тэрбум төгрөгийн татварыг А лиценз эзэмшигчид энэ сард төлсөн байна. Энэ нь сүүлийн жил хагасын хугацаанд хамгийн өндөр татвар төлөлттэй сар болсон байна. Мөн 55.6 тэрбум төгрөгийг ААНОАТ-т, 34 тэрбум төгрөгийг АМНАТ-т төлсөн нь энэ жилийн хамгийн өндөр үзүүлэлтэд орж байгаа аж.