Монгол Улсад Хөдөө аж ахуйн бирж үйл ажиллагаагаа тогтмол явуулж эхэлсний үр дүнд малчид ипотекийн зээлд хамрагдах боломжтой болжээ. Өнгөрсөн онд тус биржээр 403.6 тэрбум төгрөгийн арилжаа хийсэн нь өмнө ч ийм хэмжээний далд гүйлгээ хийгдэж байсныг илчилж, энэхүү гүйлгээнээс улсад тогтмол татвар авдаг болсон. Харин малчид дундын хоршоонд элсэж, түүгээрээ дамжуулан биржээр түүхий эдээ арилжаалснаар тогтмол орлогын эх үүсвэртэй болох нөхцөл бүрдэж байгаа юм. ҮХААЯ-ны судалгаагаар нэг жилд нэг малчин өрхийн тогтмол орлого дунджаар зургаан сая төгрөг байна гэж үзэж байгаа бөгөөд энэ нь ипотекийн зээлд хамрагдах тогтмол орлогын эх үүсвэрт тооцогдох болжээ. Урьдчилсан тооцоогоор энэ онд нийт малчин өрхийн 1.8 хувь нь, 2015 онд 3.7 хувь, цаашилбал 2020 он гэхэд 16.1 хувь нь ипотекийн зээлд хамрагдаж орон сууц худалдан авах боломж бүрдэнэ гэж ҮХААЯ үзжээ.
