Сангийн сайд Ч.Улаан өнгөрсөн оны төсөв тасалдсан нь ямар шалтгаантай талаар тайлбар хийлээ. Сангийн яамнаас гаргасан тооцоогоор төсөв тасалдсаны 40 хувь нь Оюутолгой ордын гэрээнд өөрчлөлт оруулж чадаагүйгээс болсон гэжээ. Мөн 30 хувь нь гадаадын хөрөнгө оруулалтын болон импортын хэмжээ эрс буурснаас болсон гэж үзсэн байна. Харин үлдсэн 15 хувь нь манай улсын экспорт буурснаас төсөв тасалдсан гэх тооцоог гаргажээ.

  Өнгөрсөн жил жижиг, дунд үйлдвэрлэгчдийг дэмжих зорилгоор 250-иад төрлийн татвар, хөнгөлөлтөөр 270 гаруй тэрбум төгрөгийн татвараас чөлөөлсөн нь төсвийн орлого тасалдахад нөлөөлсөн гэсэн тайлбарыг салбарын сайд нь хийжээ.