Өнөөдрийн гадаад валютын дуудлага худалдаагаар банкууд ам.доллар, юань худалдан авах санал ирүүлсэн бөгөөд Монголбанк энэ удаагийн арилжаагаар 80.0 сая юань худалдаж, валютын захад юань нийлүүллээ. Монголбанк банкуудад 23.5 сая ам.доллар, 3 сая юанийг своп хэлцлээр худалдаж, валютын захад ам.доллар болон юань нийлүүлсэн байна.

   Гадаад валютын дуудлага худалдаа гэдэг нь валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас захад оролцох нэг арга хэрэгсэл юм.