"Дүнжингарав" худалдааны төвд өнөөдөр хичээлийн шинэ жилийн үзэсгэлэн худалдаа нээлтээ хийж байна.

  Хичээлийн шинэ жил ойртсонтой холбогдуулан “Дүнжингарав худалдааны төв”-д хичээлийн бүх төрлийн хэрэгсэл, бэлэн хувцас,  их дээд сургууль, сургалт зуучлалын төвүүд, компьютер, гар утас зэрэг оюутан, сурагчдын бүхий л хэрэгцээг хангах нэгдсэн том үзэсгэлэн, худалдаа өнөөдөр 12.00 цагаас нээлтээ хийж байна. Оюутан сурагч та бүхэн 9.1 үзэсгэлэн, худалдааг зорин ирснээр хичээлийн бүх төрлийн хэрэгслээ хамгийн өргөн сонголтоор, хамгийн хямд үнээр нэг дороос худалдан авах боломжтой. 9.1 үзэсгэлэн худалдааны хөтөлбөрөөс дуулгавал:

  “3VS3” сагсан бөмбөгийн тэмцээн, “3VS3” хөлбөмбөгийн тэмцээнд оролцож, 10.000 төгрөгийн худалдан авалт тутамд сугалаа авч азаа үзэн ipod shuffle, иж бүрэн хичээлийн хэрэглэл зэрэг олон олон шагнал, урамшууллын эзэн болох боломжтой. Мөн бяцхан худалдан авагчдынхаа дунд “Есөн сарын нэгэн” сэдэвт гар зургийн уралдаан заралсан байна. Хүүхдүүд та бүхэн өөрсдийн бүтээлдээ “Дүнжингарав худалдааны төв”-ийн логоны үндсэн өнгө болох шар, ногоон өнгийг оруулж өгөхөө мартуузай.

  Мөн ҮХААЯ-с Сурагчийн дүрэмт хувцасны үзэсгэлэнг гаргах бөгөөд сурагчийн дүрэмт хувцасны материал, хийц, загвар, үйл ажиллагаа зэрэг холбоотой ажлуудыг танилцуулна.
   Үзэсгэлэн худалдаа 08.16-09.01-ний өдрийг дуустал зохион байгуулагдана.