Сар шинийн баярын шархаа нөхөж амжаагүй байтал Мартын  8, цэргийн баяр, хүүхдийн баяр ар араасаа цуварсаар улсын баяр наадамтай золгодог. Мэдээж монгол хүн бүр баяр наадмаа өргөн дэлгэр тэмдэглэн өнгөрүүлэхийг хичээдэг.

Гэхдээ болоогүй наадмыг шүүмжлэх шалтгаан бий болов. Энэ нь түрүү түрүүчийн наадмаас илүү өндөр төсөв баталсанд оршино.  Өмнөх жилүүдэд манай улс наадмаа цөөхөн орон тоотой  мөнгөн дүнд боломжийн хийчихдэг байсан.  Харин энэ жилийн наамдын төсөв хэд дахин нугаларч 48 тэрбум төгрөгт хүрчээ. Наадмын комиссынхны мэдээлснээр энэ мөнгөний ихэнхийг Хүй долоон хутагт цогцолбор барих ажилд зарцуулах аж.Баяр наадамаа өргөн дэлгэр тэмдэглэж болно. Гэхдээ энэ жил арай ч дэндүү өргөн тэмдэглэх мөнгө төсөвлөжээ. Наадамд зарцуулах энэ гайхамшигтай их мөнгийг бусад салбарт төсөвлөсөн тоотой харьцуулбал арай л дэндүү санагдана.  Ямартаа ч та бүхэн өнгөрсөн жилийн наадмын төсвийг энэ жилийн наадмын төсөвтэй харьцуулсан графикийг сонирхуулъя.