Ирэх сарын 1-нээс тээврийн хэрэгслийн зам ашигласны төлбөр шинэчлэгдэж, суудлын автомашин 5,000 төгрөг, ачааны автомашин 20,000 төгрөг төлөхөөр болж байна.

Өмнө нь суудлын автомашинаас 1000 төгрөг, ачааны автомашинаас 10000 төгрөгийн төлбөр авдаг байсан бол шинэчилсэн тарифаар тээврийн хэрэгслийн ангиллаас хамааран 2-3 дахин нэмэгдэж байгаа юм.

Шинэ тариф нь нийслэлээс гарах болон орон нутаг, хот хоорондын бүх олон улс, улсын чанартай авто замд үйлчлэх бөгөөд нийт 33 цахим төлбөр авах цэгээр хэрэгжинэ.

Жолоочийн нэр дээр төлбөрийн нэхэмжлэл үүсэж, төлбөр төлөгдсөн тохиолдолд автомат хаалт нээгдэх аж. Харин тээврийн хэрэгслийн төлөгдөөгүй төлбөр 20 болон түүнээс дээш удаа хуримтлагдсан тохиолдолд төлбөр авах постын автомат хаалт нээгдэхгүй юм байна.

Цахим төлбөр авах гол чиглэлийн замуудад:

• Төв болон баруун аймаг руу явах чиглэл: Эмээлтийн пост (Арвайхээр, Баянхонгор, Ховд, Баян-Өлгий, Завхан, Увс чиглэл)
• Хойд аймаг руу явах чиглэл: Эрдэнэтийн уулзвар, Дархан, Сэлэнгэ, Хөвсгөл, Орхон, Булган чиглэл
• Зүүн аймаг руу явах чиглэл: Налайхын уулзвар, Тэрэлжийн пост (Хэнтий, Сүхбаатар, Дорнод чиглэл)
• Өмнөд аймаг руу явах чиглэл: Яармаг болон Төв аймгийн чиглэлийн постууд (Дундговь, Өмнөговь чиглэл)

Мөн Алтанбулаг–Улаанбаатар–Замын-Үүд чиглэлийн олон улсын болон босоо тэнхлэгийн авто замууд, аймгуудыг холбосон улсын чанартай хатуу хучилттай авто замууд уг зохицуулалтад хамрагдах юм.