БАРИМТ 1
“Дарханы төмөрлөгийн үйлдвэр” ХХК сүүлийн хоёр жилийн хугацаанд үйл ажиллагааны үр ашиг, тогтвортой өсөлтийг хангах томоохон шинэчлэл, бүтээн байгуулалтын ажлуудыг үе шаттайгаар хэрэгжүүлсэн.
БАРИМТ 2
Чанарын менежментийн ISO 9001:2016, Байгаль орчны менежментийн ISO 14001:2016, Хөдөлмөрийн эрүүл мэнд, аюулгүй байдлын менежментийн ISO 45001:2018 олон улсын стандартуудыг цогцоор нь нэвтрүүлснээр олон улсын зах зээлд өрсөлдөх чадварыг нэмэгдүүлж, гадаадын хөрөнгө оруулалт татах суурь нөхцөлийг бүрдүүлжээ.
БАРИМТ 3
Худалдан авалтын тендер, бүтээгдэхүүний борлуулалтын биржийн арилжаа, ажилтан сонгон шалгаруулалтыг олон нийтийн хяналттай нээлттэй тогтолцоонд шилжүүлсэн.
БАРИМТ 4
Үйлдвэрлэл, санхүү, эдийн засаг, экспорт болон менежментийн бүх гол үзүүлэлтүүд тогтвортой өсөж, “Дарханы төмөрлөгийн үйлдвэр” ХХК түүхэндээ хамгийн өндөр үзүүлэлтүүдэд хүрсэн.
БАРИМТ 5
"Дарханы төмөрлөгийн үйлдвэр” ХХК-ийн борлуулалтын орлого 2022 оны 105.9 тэрбум төгрөгөөс 2025 онд 593 тэрбум төгрөгт хүрч, дөрвөн жилийн хугацаанд 5.6 дахин өссөн түүхэн үзүүлэлтэд хүрээд байна.
БАРИМТ 6
Компанийн татварын дараах цэвэр ашиг 1.6 тэрбум төгрөгөөс 72.2 тэрбум төгрөгт хүрч, 45 дахин өссөнөөр түүхэн дээд амжилт тогтоосон.
БАРИМТ 7
Экспортын үйл ажиллагаанд тулгарч байсан тээвэр, логистикийн хүндрэлүүдийг шийдвэрлэснээр экспортын тээврийн вагон эргэлт 1.75-аас 3.0 болж, вагон ашиглалт 1.7 дахин өссөн.
БАРИМТ 8
2025 онд нийт 56 удаагийн биржийн арилжааг 100 хувь амжилттай зохион байгуулж, 220 сая ам.долларын экспортын бүтээгдэхүүн арилжаалсан нь өмнөх оноос 2.5 дахин өссөн үзүүлэлт болсон.
БАРИМТ 9
Хандгайт–Төмөртэй чиглэлийн 33.6 км төмөр зам болон ачиж буулгах терминал бүхий “Төмөртэй” өртөөг компанийн бүтцэд нэгтгэснээр экспортын тээврийн удирдлага, зохион байгуулалтыг төвлөрүүлж, тээвэр үйлдвэрлэлийн уялдаа холбоог шинэ шатанд хүргэсэн.
БАРИМТ 10
Засгийн газрын өгсөн 117 сая ам.доллар төвлөрүүлэх үүргийг 148 хувиар давуулан биелүүлж, нийт 173.3 сая ам.долларыг улсын валютын нөөцөд төвлөрүүлсэн.
БАРИМТ 11
“Дарханы төмөрлөгийн үйлдвэр” ХХК 33 жилийн хугацаанд улсын болон орон нутгийн төсөвт 425.2 тэрбум төгрөгийн татвар төвлөрүүлсний 302.2 тэрбум төгрөгийг зөвхөн 2024-2025 онд бүрдүүлсэн байна.
БАРИМТ 12
2024-2025 оны үйл ажиллагааны цэвэр ашгаас 75.6 тэрбум төгрөгийг “Чингис хаан” Үндэсний баялгийн санд төвлөрүүлж, баялгийн үр өгөөжийг иргэдэд хүртээх бодлогыг хэрэгжүүлэв.
БАРИМТ 13
Өмнөх жилүүдэд хуримтлагдсан хүүтэй зээл, татвар болон шүүхийн шийдвэртэй нийт 240.4 тэрбум төгрөгийн өр төлбөрийг хоёр жилийн хугацаанд бүрэн барагдуулав.
БАРИМТ 14
Санхүү, нягтлан бодох бүртгэлийн системийг шинэчилж, аудитын зөвлөмжийн хэрэгжилтийг 63.2 хувиас 92 хувь хүртэл нэмэгдүүлжээ.
БАРИМТ 15
Дотоод хяналтаар 4.9 тэрбум төгрөгийн бүртгэлийн алдааг илрүүлэн залруулж, 222.2 тэрбум төгрөгийн татварын өрийг барагдуулсан байна.
БАРИМТ 16
Компанийн үндсэн болон эргэлтийн хөрөнгө, техник тоног төхөөрөмж, сэлбэг материалыг хамарсан иж бүрэн тооллогыг анх удаа хийж, хөрөнгийн удирдлага болон хяналтын тогтолцоог шинэ шатанд хүрэв.
БАРИМТ 17
Сүүлийн таван жил зогсоод байсан техник, тоног төхөөрөмжийн парк шинэчлэлийг сэргээж, 45 нэр төрлийн шинэ техник худалдан авч ашиглалтад оруулжээ.
БАРИМТ 18
Үйлдвэрлэлийн технологийн шинэчлэлийн үр дүнд төмрийн хүдрийн олборлолт 2.3 дахин өсөж, 3.7 сая тоннд хүрсэн. Харин баяжмал үйлдвэрлэл 2,058.8 мянган тоннд хүрч, өмнөх онуудтай харьцуулахад хоёр дахин өссөн үзүүлэлттэй гарсан.
БАРИМТ 19
Нэг ажилтанд ногдох борлуулалтын орлого 58.8 мянган төгрөгөөс 369.5 мянган төгрөгт хүрч, хөдөлмөрийн бүтээмж түүхэн дээд түвшинд хүргэв.
БАРИМТ 20
Ажилтнуудын дундаж цалин сүүлийн хоёр жилд 3.2 сая төгрөгөөс 5.3 сая төгрөг болж, 85 хувиар өссөн.
БАРИМТ 21
“Дарханы төмөрлөгийн үйлдвэр” ХХК нь “Эрдэнэс Монгол” нэгдлийн 2025 оны “Шилдэг менежмент хэрэгжүүлэгч компани”-аар шалгарчээ.
БАРИМТ 22
“Дарханы төмөрлөгийн үйлдвэр” ХХК өнгөрсөн хоёр жилийн хугацаанд үйлдвэрлэл, экспорт, борлуулалтын үзүүлэлтүүдээрээ түүхэн өсөлт үзүүлж, уул уурхай, хүнд үйлдвэрийн салбарын хөгжлийг шинэ шатанд гаргав.
БАРИМТ 23
Уул уурхайн салбарын нэг ажилтанд ногдох бүтээмж 236.8 куб метрээс 373.8 куб метр болж өссөн бол ган үйлдвэрлэлийн салбарт 46.9 тонноос 67.9 тонн болж нэмэгдсэн.
БАРИМТ 24
“Төмөртэй” уурхайн нөөцөд түшиглэн Нойтон баяжуулах үйлдвэр болон Хорголжийн үйлдвэр байгуулах стратегийн төслүүдийг эхлүүлж, нэмүү өртөг шингэсэн бүтээгдэхүүний үйлдвэрлэлийг хөгжүүлэх суурийг тавьсан.
Сэтгэгдэл (8)