Израил-Ливан улсуудын хооронд 10 хоногийн турш гал зогсоох хэлэлцээр хэдхэн цагийн өмнө хүчин төгөлдөр хэрэгжиж эхэллээ. 

Гал зогсоох хэлэлцээр 10 хоног үргэлжлэхээр төлөвлөгдсөн боловч АНУ үүнийг сунгаж магадгүй гэж мэдэгдэв. Израилын Ерөнхий сайд Бенжамин Нетаньяху Ливантай "түүхэн энхийн хэлэлцээр" байгуулах боломжийг бий болгоно гэж мэдэгдэв. Хоёр улс хэзээ ч дипломат харилцаатай байгаагүй. 

Ираны дэмжлэгтэй Ливанд байдаг "Хезболла" бүлэглэл гал зогсоохыг хүлээн зөвшөөрч, үүнд "Ливаны бүх нутаг дэвсгэрт халдлагыг бүрэн зогсоох", "Израилын хүчнийг бүрэн гаргах" зэрэг заалтуудыг оруулахыг шаарджээ.

Нетаньяху Израилын цэргүүд Ливаны өмнөд хэсэгт 10 км аюулгүй байдолын зурваст төвлөрч байгааг онцолжээ. Энэ нь Хезболлагийн тэднийг гаргахыг шаардсан шаардлагыг зөрчиж байгаа хэрэг гэж ажиглагчид үзэж байна. 

АНУ-ын Төрийн департаментын мэдээлснээр, хэлэлцээрийн нөхцлийн дагуу Ливаны засгийн газар Хезболла Израил руу довтлохоос урьдчилан сэргийлэх арга хэмжээ авч байгаа аж. Түүнчлэн Ливаны аюулгүй байдлын хүчин Ливаны тусгаар тогтнол, үндэсний батлан ​​​​хамгаалахын төлөө "онцгой хариуцлага" хүлээдэг гэжээ. Трамп Израил, Ливаны удирдагчдыг Цагаан ордонд урьсан гэх мэдээлэл байгаа ч баталгаажаагүй байна.

Л.Баяр