УИХ-ын чуулганы хуралдаан үргэлжилж байна. Хуралдаанаар Засгийн газраас өргөн мэдүүлсэн Зөвшөөрлийн тухай хуульд нэмэлт өөрчлөлт оруулах тухай хуулийн төсөл болон холбогдох бусад хуулийн төсөл /хэлэлцэх эсэх/ -ийг үргэлжлүүлэн хэлэлцэж байна. Энэ үеэр УИХ-ын гишүүн П.Сайнзориг асуулт асууж, үг хэллээ. 

Тэрбээр "Мөрийтэй тоглоомоос сөрөг үр дагавар их авч ирж байгаа. 500 сая ам.доллар гарсан гээд байгаа боловч 430 орчим сая ам.доллар нь цахим казино луу орсон мэдээлэл бий. Энэ хуулийг баталлаа гэхэд сөрөг үр дагавар 100 хувь зогсох уу. Зогсохгүй бол хэн хариуцлага хүлээх вэ. Спортын эдийн засаг гэж байдаг. Монголд ч гэсэн спортыг зөв хөгжүүлэх бололцоо байна. Бооцоот морин уралдааныг зөвшөөрөх үү. Зарим залуус хөрөнгө гаргаад морин тойруулга бариад байдаг. Энэ хуульд хамгийн түрүүнд өртөх нь уяачид болж байна" гэв.