Зөвшөөрөгдөх дээд хэмжээнээс хэтэрсэн задрах боломжгүй ачаа тээвэрлэлтийг өнөөдрөөс буюу дөрөвдүгээр сарын 5-ны өдрөөс тавдугаар сарын 1-ний өдөр хүртэл түр хугацаанд зогсоож байгаа талаар Зам тээвэр хөгжлийн төв ТӨҮГ-аас мэдээллээ.

Урин дулааны улирал эхэлж, цаг агаар дулаарч газрын хөрс, замын далангийн өнгөн хэсэг гэсэж буйтай холбоотойгоор авто замд ус чийг ихээр хуримтлагддаг. Ингэснээр ачаа даах чадвар, бат бэхийн үзүүлэлт огцом буурдаг байна. Иймд зөвшөөрөгдөх дээд хэмжээнээс хэтэрсэн задрах боломжгүй ачаа тээвэрлэлтийг түр хугацаанд зогсоожээ.