УИХ-ын чуулганы нэгдсэн хуралдаанаар АТГ-ын даргаар Зандраагийн Дашдавааг улируулан сонгох тухай Ерөнхий сайдын саналыг хэлэлцэж буй. Энэ үеэр УИХ-ын гишүүн Э.Болормаа асуулт асууж, хариулт авлаа. 

УИХ-ын гишүүн Э.Болормаа: Орон нутагт дунд шатанд явагдаж байгаа авилга, түүнтэй уялдсан хүнд сурталтай Авлигатай тэмцэх газар (АТГ) хэрхэн тэмцэж байгаа вэ. Би хоёр жил Ховдын Засаг дарга хийхдээ АТГ-ын ажилтан шиг л ажилласан. АТГ-ын ажилтан нь өөрөө авилга авч байгаа асуудал хүртэл сонсогддог байсан. Хөдөө орон нутаг ямар жижигхэн газар билээ. Нийгэмд авилга буурч байна гэхийн эсрэг АТГ нь ийм байна гэсэн мэдрэмжийг төрүүлдэг. Би ч энэ асуудлаар гомдол гаргаж байсан. Говь-Алтай аймгийн иргэд ч гомдол гаргаж байсан. Орон нутгийн түвшинд авилгатай тэмцэх ажил хэр өрнөж байна вэ? Боловсон хүчнээ сэлгэж чадаж байна уу? 

АТГ-ын дарга З.Дашдаваа: Орон нутгийн мэдээллийг 110 утсаар дамжуулж авдаг. Ингээд томилолтоор ажиллуулдаг. Ховд аймагт өнгөрсөн жил 34 гэмт хэрэг бүртгэгдсэн байна. Хоёр жилээр илүү хугацаанд томилолтоор ажиллуулдаггүй. Сэлгээд л байдаг.