ЗГХЭГ-ийн дарга Н.Учрал хуралдаанаас гаргасан шийдвэрийг танилцууллаа.

Тэрбээр "39 стратегийн ордын асуудлыг 18 жил мартагнуулсан. 2007 онд оруулж ирэхийг УИХ шийдчихээд байхад 18 жил эс үйлдэхүй хийсэн. Тиймээс аль нь ч стратегийн ордод тооцогдох шийдвэр гараагүй. Гэтэл ДНБ-ний 5 хувиас дээш бүтээгдэхүүн үйлдвэрлэдэг, улсын төсвөөр нөөц нь тогтоогдсон ордууд үүн дотор байгаа юм. 18 жилийн хугацаанд энэ ордуудыг гадаад, дотоодын олон компани санхүүгийн схем үүсгэж арилжаалсан, баялагийг иргэд буюу эздээс нь асуухгүй үрэн таран хийсэн үйлдлүүд тогтоогдож байгаа учраа даруй УИХ-ын тогтоолоо боловсруулан өргөн мэдүүлж, 39 стратегийн ордоо, стратегийн ордод тооцож авах нь эхний алхам болно. 39 стратегийн орд нэмэх нь 16 буюу нийт 55 орд байгаа" гэлээ.