2025 оны гуравдугаар сарын 01-нээс эхлэн Өмнөд Солонгос руу нэвтрэхдээ зөөврийн цэнэглэгч "powerbank", электрон тамхийг "vape" гар тээшинд авч зорчихыг хориглохоор болжээ. 

Мөрдөх журам:

- Зөөврийн цэнэглэгч болон цахилгаан тамхийг зиптэй уутанд хийн биедээ авч зорчих, эсвэл суудлын урд талын халаасанд хийх; /Тээш болон тээшний хайрцганд хийхгүй/

- Зөөврийн цэнэглэгч болон цахилгаан тамхины цэнэглэх хэсгийг зориулалтын хаалтаар хаах, эсвэл наалт наах;

- Зорчигч авч явж буй зөөврийн цэнэглэгчээсээ утаа гарч буй эсэх болон хэлбэр өөрчлөгдөж буй эсэхэд хяналт тавьж, хэрэв өөрчлөлт орсон тохиолдолд бүхээгийн ажилтанд яаралтай мэдэгдэх;

- Нислэгийн үед утас болон таблетаа зөөврийн цэнэглэгчээр цэнэглэж болох ч зөөврийн цэнэглэгчийг цэнэглэхийг хориглоно;

- Нэг хүн 100wh хүртэлх 5 ширхэг зөөврийн цэнэглэгч авч зорчих эрхтэй;

- Эрүүл мэндийн шалтгаанаар үүнээс дээш тоогоор авч зорчих бол авиа компанид мэдэгдэн, зөвшөөрөл авах шаардлагатай ажээ. 

Тус улсын Зам тээврийн яамнаас гаргасан уг шийдвэр нь өнгөрсөн оны сүүлээр болсон "Jeju Air"-ын онгоцны аймшигт осолтой холбоотой аж.