Португал болон "Аль-Насср"-ын од Кристиано Роналду Саудын Арабын Про лигийн ням гарагт болсон тоглолтод хөгжөөн дэмжигчдийг “өдөөн хатгасан” хэргээр нэг тоглолтонд оролцох эрхээ хасуулж, торгуулахаар боллоо.
Энэ хэрэг “Аль-Шабаб” багийг “Аль Насср” 3:2-оор хожсоны дараа болсон юм.
Тоглолтын бичлэг дээрээс Роналдо гараа чихэндээ наан, тохуутайгаар эсрэг Аль-Шабабын хөгжөөн дэмжигчдийн хашхирахыг сонсож буйг харж болно.
Түүний эсрэг багийн хөгжөөн дэмжигчид Лионел Мессигийн нэрийг хашхирч байлаа. Удалгүй уурссан Роналду гараа бэлэг эрхтнийхээ зүг чичсэн нь олны дургүйцлийг хүргэсэн байна.
Роналдо торгуулийн улмаас пүрэв гарагт Аль-Нассрын Аль-Хазмтай хийх тоглолтыг өнжих болно.
Л.Сайнаа
