2025 оны Азийн аварга шалгаруулах тэмцээний урьдчилсан шатны хэсгийн эхний хоёр тоглолт энэ долоо хоногт болно. Манай баг БНХАУ, Япон, Гуам улсын багуудтай нэг хэсэгт орсон.

Манай улсын шигшээ баг эхний тоглолтоо БНХАУ-ын шигшээ багтай 2024.02.22-ны өдөр буюу өнөөдөр БНХАУ-д зочлон тоглох хуваарьтай. 

Тэгвэл манай улсын шигшээ баг 2010 оноос хойш албан ёсны тоглолтонд БНХАУ-ын багтай 3 удаа тоглосон байна. 

1. 2010.11.16-ны өдөр Азийн наадмын тоглолтонд манай баг БНХАУ, БНСУ, Иордан, БНАСУ, Үзбекстаны багуудтай нэг хэсэгт орж БНХАУ-ын багт 91-46 харьцаатай хожигдсон. Уг хэсэгт манай баг Үзбекстаны багийг хожиж, 1 хожил 4 хожигдолтой хэсгийн 5-р байрт бичигдсэн. 

2. 2014.09.26-ны өдөр Азийн наадмын тоглолтонд манай баг БНХАУ, Иран, Япон улсын багуудтай нэг хэсэгт орж БНХАУ-ын багт 108-67 харьцаатай хожигдсон. Уг хэсэгт манай баг хожил авч чадалгүй 3 хожигдолтойгоор тэмцээнийг өндөрлүүлсэн. 

3. 2023.09.26-ны өдөр Азийн наадмын тоглолтонд манай баг БНХАУ, Тайвань, Хонгконг улсын багуудтай нэг хэсэгт орж, БНХАУ-ын багт 89-50 харьцаатай хожигдсон. Мөн уг хэсэгт манай баг хожил авч чадалгүй тэмцээнээ өндөрлүүлсэн байна. 

Эх сурвалж: MSports.mn