Киргизстан улсын нийслэл Бишкек хотод болж буй Төв азийн волейболын холбооны Үндэстнүүдийн аварга шалгаруулах тэмцээнд зургаан орны долоон баг тойргоор өрсөлдөж  байна. Тэмцээний эхний өдөр манай улсын эрэгтэйчүүдийн шигшээ баг Непалын волейболчдыг 3:1-ээр илүүрхэн ялсан. Энэ тэмцээний анхны хожил юм. Монголын баг Иран, Непал, Узбекистан, Туркменистан, Киргизстаны хоёр багтай нэг хэсэгт таарсан бөгөөд маргааш тэд Ираны багтай 18:00 цагт тоглох хуваарьтай байна.