2022-2023 оны улирал дуусаад ердөө долоо хоног болж байгаа ч цуу яриа аль хэдийн хурдацтай тархаж, "Phoenix Suns" багийн их гурвалын нэгээр Вашингтон Визардс багийн хамгаалагч, од Брэдли Билийг сонгосон тухай мэдээлэл гарав. "Phoenix Suns" баг аваргын төлөө бүхнээс илүү зүтгэж байгаа. Тийм дээ томоохон багуудын адил их гурвалтай болох зорилтын хүрээнд түүнийг багтаа нэгтгэж байгаа нь мэдээжийн хэрэг. 

Вашингтон Визардс баг гурван удаагийн бүх оддын тоглолтын хамгаалагч Брэдли Билийг Финикс Санс багт илгээхээр тохиролцож байгаа. Тэд Крис Пол ,Ландри Шамет зэрэг тоглогчоор нь солилцон авч байгаа гэж эх сурвалжууд ням гарагт ESPN-д ​​мэдээлэв.

Хэлэлцээрийг дуусгахад хэдэн өдөр шаардлагатай ч Бил Девин Бүүкер , Кевин Дюрант нартай хамт шинэ их гурвалыг байгуулахаар Suns руу явж байгаа нь баттай боллоо. 

Л.Сайнаа