Монгол улсын ардын багш, Гавьяат дасгалжуулагч, академич, профессор, ОУХМ Д.Банди агсны нэрэмжит 2023 оны бага насны боксчдын улсын аварга шалгаруулах "Олимпын гараа" тэмцээн зургадугаар сарын 13-наас 17-ны хооронд болно. Энэхүү тэмцээн нь Үндэсний цэцэрлэгт хүрээлэнгийн цагаан асарт болох юм. 

Боксын спортын дасгалжуулагчаар 41 жил ажилласан Д.Банди агсан Монголын боксын шигшээ багийг удирдаж, “Бээжин-2008” олимпын наадмаас алт, мөнгөн медальтан төрүүлж, Монголын боксын багт түүхэнд байгаагүй өндөр амжилтыг үзүүлсэн юм. Тэрбээр Монголын бахархал болсон Хөдөлмөрийн баатар, гавьяат тамирчид, Олон улсын хэмжээний болон  спортын мастер зэрэг 1200 гаруй цол зэрэгтэй тамирчдыг төрүүлсэн гавьяатай билээ.