Баруун аймгуудын нутгаар агаарын температурын үнэмлэхүй их утгууд эвдэгдэн халж байна. Энэ нь тухайн суманд ажиглалт хийж эхэлснээс хойших тухайн өдрийн хамгийн дулаан байсан температурын утгаас давж халсан гэсэн үг юм. Тухайлбал, Увс аймгийн Улаангом суманд зургаадугаар сарын 8-ны өдөр +31.7 хүрч халж байсан бол их утга эвдэгдэн +34 хэм, Завхан суманд +32.7 хэм байсан бол +35 хэм, Тэс суманд +33.4 хэм байдаг байсан бол өчигдөр өдөр +36 хэм хүрч халж үнэмлэхүй утгууд эвдэгдсэн байна.