“Олимпын өдөр 2023” болон БНХАУ-д болох “Ханжоу 2022" Азийн XIX наадмыг угтан "Азийн наадам" сэдэвт гар зургийн уралдааныг 13 хүртэлх насны хүүхэд багачуудын дунд зарлалаа. Гар зургийн уралдааны удирдамжийн дагуу ирүүлсэн бүтээлийг 2023 оны зургадугаар сарын 17-ны 17.00 цагийг дуустал МҮОХ-ны төв байранд хүлээн авах юм байна. Шалгарсан бүтээлийг Азийн наадмын үеэр Олон улсын гар зургийн үзэсгэлэн болон Монголын багийн штабт байрлуулж, алдартай тамирчидтай хамт зургаа авахуулах боломж олгоно. Азийн наадмыг сурталчлах гар зургийн уралдаанд идэвхтэй оролцохыг урьж байна.