Австрийн Вена хотод 3х3 сагсан бөмбөгийн насанд хүрэгчдийн дэлхийн аварга шалгаруулах тэмцээн гурав дахь өдрөө болж байна. Манай улсаас Ази тивдээ шилдэг наймд шалгарсан эрэгтэй, эмэгтэйчүүдийн шигшээ баг өрсөлдөж байгаа бөгөөд эмэгтэйчүүдийн шигшээ баг өнөөдөр хэсгийн сүүлчийн тоглолтоо АНУ, Канадтай хийх юм. Эхний хоёр тоглолтоос хожил аваагүй тэд 17:00 цагт Америктай тоглох бол 18:00 цагт Канадын сагсчидтай өрсөлдөнө.