Австрийн Вена хотод 3х3 сагсан бөмбөгийн насанд хүрэгчдийн дэлхийн аварга шалгаруулах тэмцээн хоёр дахь өдрөө болж байна. Өнөөдөр Монголын эрэгтэйчүүдийн шигшээ баг эхний тоглолтод Унгарын багийг 21:19-өөр буулган авлаа. Уг тэмцээний ялалтаар эхлүүлсэн манай улсын сагсчид өнөө орой 20:00 цагаас Нидерландын багтай тоглох юм. Монголын эрэгтэйчүүдийн шигшээ баг дэлхийн аварга шалгаруулах тэмцээнд 2018 онд шилдэг наймд шалгарсан нь хамгийн өндөр амжилт бөгөөд саяхан Ази тивдээ түрүүлсэн билээ.