Монголын Үндэсний Бөхийн Холбооны жилийн хуваарьт барилдаан 2022 оны есдүгээр сарын 17-ны өдөр эхэлснээс хойш 2023 оны тавдугаар сар дуустал нийт 96 барилдаан зохион байгуулсан ажээ. 

Улмаар ирэх бямба, ням гарагт 97, 98 дахь удаагийн буюу "Үндэсний Алтан цом"-ын төлөөх шигшээ найман багийн сүүлийн тойргийн барилдаанууд болох гэж байна. "Монгол бөхийн өргөө" ашиглалтад орсон цагаас хойш нэг жилийн дотор хамгийн олон буюу 99, 100 дахь удаагийн барилдаан ирэх сарын 10, 11-ний өдрүүдэд болох юм. 

Тодруулбал, зургаадугаар сарын 10-нд Өмнөговь аймгийн Ноён сумын 100 жилийн ойд зориулсан Улс, аймгийн алдар цолтой бөхийн барилдаан, Зургаадугаар сарын 11-нд Архангай аймгийн Хотонт сумын 100 жилийн ойд зориулсан Ах дүү гурван цолтны нэрэмжит Улс, аймгийн алдар цолтой бөхийн барилдаан тус тус болно.

Л.Сайнаа