Хил хамгаалах ерөнхий газрын тэргүүн дэд дарга бөгөөд хилийн цэргийн штабын даргын захирамжийн дагуу хилийн цэргийн 0101 дүгээр ангийн Захирагчийн орлогч, шалган нэвтрүүлэх тасгийн дарга, дэд хурандаа Ч.Мөнхзолбоогоор ахлуулсан тус ангийн шалган нэвтрүүлэх алба, эмэгтэйчүүдийн зөвлөлийн төлөөлөл хилийн цэргийн 0108 дугаар анги, “Замын-Үүд” олон улсын авто замын боомтын үйл ажиллагаатай танилцах, туршлага солилцох арга хэмжээг зохион байгуулжээ.
Уг арга хэмжээний үеэр хилийн цэргийн 0108 дугаар ангийн төв, боомт, заставын үйл ажиллагаа, хил хамгаалалтын хувилбар, шалган нэвтрүүлэх албаны шалгалтын горим хувилбартай танилцаж, туршлага судалсан байна. Мөн “Улсын хил хамгаалалт, шалган нэвтрүүлэх албанд хилчин эмэгтэйчүүдийн оролцоо” сэдвээр чөлөөт ярилцлага зохион байгуулж, орон нутгийн түүхэн дурсгалт газруудаар аялж, хамтарсан урлаг соёлын арга хэмжээ зохион байгуулсан аж.
