14:00 цагийн байдлаарх цаг агаарын нөхцөл байдлын мэдээллийг хүргэе. Орж байгаа хур тунадасны хувьд Төв болон Хэнтий аймгийн зарим сум, Сүхбаатар аймгийн хойд талын сумдаар цас орж цасан болон шороон шуурга шуурч байна. Цаг агаарын нөхцөл байдал тун хүнд байна. Хүчтэй салхины хувьд Төв аймгийн баруун болон өмнөд хэсэг, Дундговь аймгийн зарим сумд, Дорноговь, Хэнтий, Дорнод, Сүхбаатар аймгийн нийт нутгаар салхины 10-20м/с, нэн ялангуяа Хэнтий аймгийн нутгаар түр зуур 25-30 м/с хүрч хүчтэй салхилан цасан шуурга үргэлжлэн шуурч байна.