БНСУ-ын Жеонбук хотод буудлага спортын Ази Номхон далайн орнуудын ахмадын олон улсын тэмцээн болж байна. Тэмцээнд манай улсаас өргөн бүрэлдэхүүнтэй баг тамирчин өрсөлдөж,  таван медаль аваад байна. Тухайлбал, тус тэмцээний алтан медалийн тавцанд Н.Цэрэндолгор, И.Галаа, Ц.Мөнх-Эрдэнэ нар гарч төрийн дуулалаа эгшиглүүлэв. Харин Д.Энхтогтвор мөнгө, Б.Оролжав хүрэл медаль хүртжээ.