Катарын нийслэл Доха хотод жүдо бөхийн насанд хүрэгчдийн дэлхийн аварга шалгаруулах тэмцээн энэ ням гаригт эхэлнэ. Тэмцээний өмнө Азийн жүдо бөхийн бөхийн холбоо хуралдаж, зарим албан тушаалд шинэ томилгоо хийсэн бол заримыг улираан томилсон байна.

Азийн жүдо бөхийн холбооны Сахилгын хорооны даргаар манай улсын жүдо бөхийн зүтгэлтэн гавьяат дасгалжуулагч Б.Пагва дахин сонгогдлоо. Тэрбээр Олон улсын жүдо бөхийн холбоонд Энх тайвны хорооны дэд даргын албыг хашиж байгаа. Мөн Монголын жүдо бөхийн холбооны дэд ерөнхийлөгчөөр түүнийг ажиллах хугацаанд олон сайн тамирчин төрөн гарсан.