Олон улсын гал сөнөөгчдийн өдөр өнөөдөр тохиож байна. Энэхүү өдрийг дэлхий нийтээр тэмдэглээд 25 жил болж буй.
Австралийн Виктория мужийн хүн ам суурьшсан бүсэд 1998 оны 12-дугаар сарын 2-нд ойн томоохон хэмжээний түймэр гарч олон хоног үргэлжлэн асжээ. Улмаар 1999 оны 1 дүгээр сарын 4-ний өдөр уг түймрийг унтраахаар ажиллаж байсан Линтон хотын Геелонг Вестийн Гал унтраах ангийн гал сөнөөгчид болох Гарри Вредевельдт, Крис Эванс, Стюарт Дэвидсон, Жейсон Томас, Мэттью Армстронг нар амь насаа алджээ.
Эдгээр гал сөнөөгчийн дурсгалыг хүндэтгэн дэслэгч Эдмонсон и-мэйл бичиж олон улсад түгээснээр “Олон улсын гал сөнөөгчдийн баяр”-ын өдрийг тэмдэглэх болж, улс орон бүр гал сөнөөгчдийг алдаршуулан, тэдний бахархлын өдөр болгожээ.
Аюулт түймрийн өөдөөс амь насаа үл хайхран тэмцэх эрэлхэг зоригт ГАЛ СӨНӨӨГЧДӨДӨӨ эл өдрийн мэнд дэвшүүлье!
