Тайланд улсад засмалын замын дугуйн Ази тивийн аварга шалгаруулах тэмцээн ирэх сарын 6-13-нд болно. Тус тэмцээнд эх орноо төлөөлөн уралдах тамирчныг сонгон шалгаруулах гараа энэ сарын 4-нд Төв аймгийн Алтанбулаг суманд болох юм. Энэ оны тивийн тэмцээний бөөн гараат уралдааны эхний хоёр байрт орсон тамирчин “Парис-2024” зуны олимпын наадамд оролцох эрх авах тул нэн хариуцлагатай юм.