Хонконг улсад практик буудлага спортын "Hong Kong Action Air Handgun Championship 2023" олон улсын тэмцээн өнгөрсөн сарын 29-нөөс энэ сарын 1-нд болов. Энэ тэмцээнд долоон орны 416 тамирчин дөрвөн насны ангилалд өрсөлдсөн бол манай улсын 24 тамирчин цэц мэргэнээ сорив.
Тэмцээний эмэгтэйчүүдийн классик төрөлд Б.Мөнхтөгс мөнгө, Т.Цэлмэг хүрэл медаль хүртсэн бол продакшн төрөлд Д.Дамдин мөнгөн медаль хүртсэн байна. Мөн өсвөрийн продакшн ангилалд Э.Тэмүүжин хүрэл, калласик төрөлд У.Тэмүүлэн мөнгө, Т.Ганзориг хүрэл медаль хүртжээ. Ийнхүү Монголын практик буудлагын тамирчид Хонконгийн олон улсын тэмцээнээс гурван мөнгө, гурван хүрэл медальтай эх орны зүг ирж байна.
