*****************************************************************************************

Өчигдөр өглөө /2023.04.27/ Хойд Америкийн Үндэсний сагсан бөмбөгийн NBA лигийн  гурван тоглолт явагдлаа. Майами Хит баг Милуоки Баксыг 128:126 харьцаатайгаар ялж, цувралд 4:1 тэргүүлэн, дараагийн шатанд шалгарлаа. Тэдний энэхүү хожил NBA-ийн түүхэнд цор ганцад тооцогдох, чухал хожил байв.

Тодруулбал, плей-оффын эхний шатанд нэгээр гарсан баг наймаар гарсан багтайгаа нугалаагаар таардаг. Энэ жилийн плей-оффт Милуоки Бакс баг Дорнод бүсийн нэгдүгээр байраар шалгарсан бол Майами Хит баг наймдугаар байраар шалгарсан юм. 

Уг тоглолтод Жимми Батлер 42 оноо, 8 самбар, 4 оновчтой дамжуулалтаар тэргүүлсэн бол эсрэг багаас Жианнис Антетокоунмпо 38 оноо, 20 самбараас бөмбөг авалт гүйцэтгэжээ. Дараагийн шатанд Майами Хит баг Нью-Йорк Никс багтай учраа таарна. Дорнод бүсийн шөвгийн дөрвөн багт Майами, Бостон, Филадельфи, Никс багууд шалгарлаа. 

Л.Сайнаа