МСБХ-ны Үндэсний Дээд лигийн 2022-23 оны улирлын аварга багаар Эрдэнэт Майнерс баг тодорч, энэ жилийн плэйоффт нэг ч хожигдоогүй 12-0 амжилттайгаар өндөрлүүллээ.
Финалын тоглолтод Эрдэнэт Майнерс багаас гурван тоглогч 10-аас дээш оноо авсан. МСБХ-ны Үндэсний Дээд лигийн 2022-23 оны улирлын финалын MVP тоглогчоор Пендарвис Уиллиамс шалгарч, 23 оноо, 8 самбараас бөмбөг авалт гүйцэтгэсэн. Багийн ахлагч Т.Санчир цувралын дөрөв дэх тоглолтод 14 оноо авсан бол О.Энхбаатар 11 оноо, 5 самбар, 2 оновчтой дамжуулалт өгөв.
Тоглолтын турш Эрдэнэт Майнерс баг оноогоор илүү явсан ч хоёр багийн тоглолтын дөрөвдүгээр үеийн сүүлийн мөч тун сонирхолтой болсон. Тоглолтын дөрөвдүгээр цаг сүүлийн нэг минут руу орж онооны харьцаа 81-82 байхад Г.Ган-Эрдэнийн алдаатай амжилттай гүйцэтгэсэн довтолгоо багтаа 4 онооны давуу байдлыг авчирж чадсан юм. Дэд байр эзэлсэн Тэнүүн Өлзий Металл баг циналын тоглолтод багаараа ердөө 4 холын зайн шидэлт амжилттай гүйцэтгэж 30.8 хувьтай шидсэн. Харин Эрдэнэт Майнерс баг багаараа 9 холын зайн шидэлт амжилттай гүйцэтгэжээ.
